பலா பட்டறை: 09/01/2010 - 10/01/2010

தெய்வம் (சவால் சிறுகதை) III

கோவில் கட்டி கும்பாபிஷகத்துக்கு தேதி குறிச்சாச்சு இப்பப் போய் இப்படி ஆயிடுச்சே?”

”அதான்டா மாப்ள எனக்கும் கவலையா இருக்கு. தலைவராண்ட போவோம். அந்தாளு எதுனா விவரமா சொல்லுவாப்ல.””

--

யேய் கூச்சல் போடாதீங்கப்பா. ”

”என்னா தலைவரே, தொண்ட தண்ணி வத்தக் கத்தறோம், எங்க உரிமைய நசுக்கறீங்களே?”

”எலேய் யார்ரா இவன்? விட்டா தீக்குளிப்பயாட்டம் பேசறவன்!. ”

”ஏன் குளிக்கனுமா? சொல்லுங்க, அதையும் செஞ்சிடலாம். கோவில் கட்டி நாள் குறிச்சாச்சு. இப்பப் போய் இப்படி நடந்திருச்சுன்னு அவனவன் பொங்கிட்டிருக்கோம். மானம் போவுது. எதுனா செய்யுங்க. ”

”அட இருங்கப்பா என்னைய பேசவே விடாம.. நானும் மூத்த குழுவினரும் இன்னைக்கு  ராத்திரியே ட்ரெயின்லயே மெட்ராஸ் போறோம். நாளைக்கே கோட்டைல முதலமைச்சர சந்திக்கறதா ஏற்பாடு. ஏற்கனவே கலெக்டர் வரைக்கும் போய் தகவல் சொல்லியாச்சு. நாம மட்டும் இல்லைய்யா எல்லா மாவட்ட முண்ணணி தலைவர்கள், முக்கிய புள்ளிங்கல்லாம் வர்றாங்க. எலெக்‌ஷன் நேரம். கோவில் திறப்பு விழாவுக்கு எந்தப் பாதகமும் வராது. நாளைக்கு சந்திப்பு அடுத்த வாரம் கும்பாபிஷேகம். சந்தோஷம்தானே.”

தலைவரே” தூரத்திலிருந்து வந்த குரலைக்கேட்டு தலைவர் திரும்பினார். 

”என்னாப்பா? ”

”மெயின் ரோட்ல கலவரம் ஆரம்பிச்சிடுச்சய்யா? எம்.பி போன் பண்ணினாரு. வீட்டம்மா சொல்லிவிட்டாங்க. எஸ்பி வந்து வெயிட் பண்றாராம். உங்களப் பார்க்கனுமாம்.”

”தலைப்பாடா அடிச்சிக்கிட்டேன். ஹும் சரி அதுவும் ஒரு வகையில நல்லதுதான். இனி தமிழ் நாட்டுக்கே நம்ம கோவில் பிரபலமாயிடும். ”

”ஆனது ஆச்சி. தலைவரே மத்த ஏரியாவுலயும் சொல்லி ரோட்டுல மரத்தையெல்லாம் வெட்டி போக்குவரத்தையே ஸ்தம்பிக்கச் சொல்லுங்க. நாமளும் நம்ம பலத்தக் காட்டுவோம்.”

”ஏய் அவசரப்படாதீங்கப்பா நாளைக்கு கோட்டைக்குப் போறோம். விஷயம் பெரிசாச்சுன்னா அங்க உங்க தாத்தனா பதில் சொல்வான்.”

--

லைவர் வீட்டுக்குள் நுழைந்தபோது எஸ்பி ஊஞ்சலில் உட்கார்ந்து மோர் குடித்துக் கொண்டிருந்தார். 

”வணக்கம் எஸ்பி சார்.”

”வணக்கமெல்லாம் இருக்கட்டும். நீங்க என்ன பண்றீங்கன்னு உங்களுக்கெல்லாம் தெரியுமா? ஏன் இப்படி பப்ளிக்க டிஸ்ட்ரப் பண்றீங்க. அதான் நாளைக்கு முதல்வரப் பார்க்க அப்பாயிண்ட்மெண்ட் கொடுத்தாச்சே. இன்னும் என்ன சாலை மறியல் வெங்காயம். மொதல்ல அதெல்லாம் நிருத்தச் சொல்லுங்க.”

”சார் அதெல்லாம் நானா ஏற்பாடு பன்றேன். பக்தர்கள் கோவம். நானென்ன செய்யமுடியும்? சொல்லுங்க.”

”என்னது பக்தர்களா? வெளங்கிரும். யாருங்க பக்தன்? ரோட்ல மரம் வெட்டிப் போடறவனா? சரி விடுங்க. கோவில் இந்தூர்லதான் இருக்கு. நீங்கதான் தலைவர். முக்கிய மையமான இங்கேர்ந்து ஒரு அறிவிப்பு செஞ்சா அது பிரச்சனைய தணிக்கும். அட்லீஸ்ட் நாளைக்கு சிஎம் மை சந்திக்கிற வரைக்கும். புரிஞ்சிப்பீங்கன்னு நினைக்கிறேன். ”

”சரிங்க சார். நானும் சொல்றேன். ஆனா இப்ப டைம் கம்மி. நைட்டே மெட்ராஸ் போறதுனால போன்லதான் பேசமுடியும். ”

”என்னமோ பண்ணுங்க. நான் வர்றேன். ”

--

1) டாக்டர் அகன்றதும் காமினி எழுந்து தன் முகத்தில் இருந்த மாஸ்கை அகற்றிவிட்டு, வயர்களையெல்லாம் பிடுங்கி விட்டு அருகிலிருந்த கண்ணாடி ஜன்னலைத் திறந்து வெளியே குதித்தாள்.

2) "ஸாரி.. எனக்கு வேற வழி தெரியலை" என்று காமினியின் நெற்றிப் பொட்டில் துப்பாக்கியை வைத்தான் சிவா.

3) "காமினி... வெல்டன்.. எப்படியோ போலீஸ் கண்ல மண்ணைத் தூவிட்டு இந்த டைமண்டைக் கொண்டு வந்துட்டியே" என்று பாராட்டினார் பரந்தாமன்.

முகத்தில் சலனம் ஏதுமின்றிப் பார்த்தார் முதல்வர். 

இண்டர்காம் ஒலித்தது. ”சொல்லுங்க.”

“ அய்யா அந்த கோவில் பார்ட்டிங்க வந்திருக்காங்க.”

’வரச்சொல்லுங்க ”

வணக்கம்” என்ற கோரஸ், பழகிவிட்டிருந்த முதல்வர். ’மாண்புமிகு முதல்வருக்குக் கோரிக்கை’ என்ற காகிதத்தை காண்பித்து இந்த மூணும்தானே எடுக்கனும். 

”ஆமாங்கய்யா.”

“ இதுல என்னய்யா ப்ரச்சனை. ”

”அது ரொம்ப நெகட்டிவா இருக்குன்னு ஃபீல் பண்றோமுங்க.”

”சரி பண்ணிடலாம். எலெக்‌ஷன் வருது நல்லாட்சி தொடரனும். ஞாபகம் இருக்கில்ல.”

“ ஐய்யா நம்ம கட்சி தவிர யார் நின்னாலும் டெப்பாசிட் கிடைக்காதுங்க. அட அதுவும் நம்மூர்ல  நம்ம கட்சிக்கு ஒரு ரெக்கார்டுங்க உங்களுக்குத் தெரியாததா. ”
 
”நான் மாநிலம் முழுசுமாச் சொன்னேன்யா. இப்பத்தான் ஸ்ட்ராங்கா ஆயிட்டு வர்றீங்களே.  எதுனா கட்சி கொடின்னு திட்டமிருக்கா? ”

”அய்யோ என்னாத் தலைவரே இது?. வேணுமின்னா வெளில போய் டெல்லிக்கார நியூஸ் அம்மணிகிட்ட நிரந்தர முதல்வருக்கு நன்றின்னு சொல்லிடறோமுங்க.” 

”ஹா ஹா” என்ற முதல்வரின் சிரிப்பு அங்கு மாட்டப் பட்டிருந்த தேசப்பிதாவரைக்கும்  எதிரொலித்தது.

--

த்யம் தியேட்டரின் எதிரில் இருந்த கடையில் மசாலா சுண்டல் சாப்பிட்டுக் கொண்டிருந்தார்கள் சிவாவும், பரந்தாமனும். சுண்டலின் சூடா, காரமா தெரியவில்லை. இரண்டு பேர் கண்களிலும் நீர் வந்து கொண்டிருந்தது. 

”ஒம்போது வருஷம் கஷ்டப்பட்டதுக்கு பலன் கிடைச்சிருச்சின்னு நினெச்சேன். ப்ச் நமக்கு ராசியே இல்லையேப்பா. கடைசி வரைக்கும் சுண்டல் சாப்பிட்டே வாழ்க்கை முடிஞ்சிடும் போல இருக்கே.” 

”விடுங்கண்ணே அதான் அடுத்த படத்துல பார்த்துக்கலாம்னு டைரக்டர் சொல்லிட்டாரே. கண்டிப்பா செய்வாரு. ”

”டேய் சிவா அதில்லடா, படம் கிடைக்கறதில்ல பெரிசு. இந்த மாதிரி காண்ட்ரவர்ஸி ஆகிற படத்துல நம்ம சீன் பேசப்பட்டுச்சின்னா மக்கள்ட ரீச் ஆகிடுவோம். ஜெயிச்சிடலாம். அந்த சான்ஸ் போச்சி. எப்படி சிரிக்கிறா பார் என் வயிறு எரியிது.” என்று அவர் பார்த்த இடத்தில் காமினியின் பெரிய ப்ளக்ஸ் பேனர் ஜொலித்துக் கொண்டிருந்தது.

--

டிகை காமினியின் சிறப்புப் பேட்டி. Xகுளூசிவ். என்று சிமிட்டிக் கொண்டிருந்த தொலைக்காட்சிப் பெட்டியை சூழ்ந்து ஒரு பெரிய கும்பலே மவுண்ட்ரோட் விஜிபி முன்னால் நின்றிருந்தது.

"மிஸ் காமினி"

"சொல்லுங்க"

"தமிழ் நாட்ல ரசிகர்கள் உங்களுக்காக கோவில் கட்டி கும்பாபிஷேகம் செய்யப் போறாங்க. உங்க லேட்டஸ்ட் ஹிட் படத்துல மூணு காட்சில நீங்க சோகமா இருக்கறதப் பார்த்து முதல்வர் வரைக்கும் போய் நீக்கி இருக்காங்க. அது பத்தி நீங்க என்ன நினைக்கிறீங்க?"


"என்னை வாழ வைக்கும் தமிழ் ரசிகர்களுக்கு என் நன்றி."




.(!)(!).

டைமன்ட் வாசனை ( சவால் சிறுகதை)



”டாக்டர் காமினிக்கு ஊசின்னா பயம் கொஞ்சம் அலர்ட்டா இருங்க.” இன்ஸ்பெக்டர் ஜெயராமன் பரிவாய்ச் சொன்னார்.

”ஹே நோ ப்ராப்ளம் நான் பார்த்துக்கறேன் நீங்க ஸ்டேஷனுக்குப் போங்க.” 

டாக்டர் காமினியைப் பார்த்தார் முகத்தில் மாஸ்க் பொறுத்தி உடலெல்லாம் வயர்களால் இணைக்கப் பட்டு பீப் பீப் என்று சத்தம் போடும் கருவியால் இணைக்கப் பட்டிருந்த அந்த அறையின் கட்டிலில் மாட்டி இருந்த குறிப்பேட்டில் அடுத்த மருத்துவக் குறிப்புகளை எழுதிவிட்டு கதவைப் பூட்டிவிட்டு வெளியே சென்றார். 

டாக்டர் அகன்றதும் காமினி எழுந்து தன் முகத்தில் இருந்த மாஸ்கை அகற்றிவிட்டு, வயர்களையெல்லாம் பிடுங்கி விட்டு அருகிலிருந்த கண்ணாடி ஜன்னலைத் திறந்து வெளியே குதித்தாள்.

யாருமே கவனிக்காத தருணங்கள் காமினிக்கு கிடைத்தது. சிவாவின் இருப்பிடம் நோக்கி காமினியின் பயணம் ஆரம்பித்தது. 

சிவாவின் நம்பிக்கை வீண் போகவில்லை. காமினியின் வருகையில் அவன் ஆச்சரியப் படவில்லை. எப்படியும் காமினி இங்கே வரும்போது காமினியை முடிக்க வேண்டுமென்ற திட்டமிடலில் ஒரு துப்பாக்கி எப்பொழுதுமே லொட் செய்யப்பட்டு இடது பாக்கெட்டில் தயாராகவே இருந்தது. இனி எந்த பச்சாதாபத்திற்கும் இடமில்லை. விஷயம் கை மீறிப் போய்விட்டது. சுட்டால் மட்டும் போதாது காமினியின் கடைசி டிஎன்ஏ வரைக்கும் சாம்பலாக்கிவிட்டுத்தான் மறு வேலை. 

"ஸாரி.. எனக்கு வேற வழி தெரியலை" என்று காமினியின் நெற்றிப் பொட்டில் துப்பாக்கியை வைத்தான் சிவா. காமினி எந்த உணர்சியும் இல்லாது சிவாவைப் பார்த்த பார்வையில் சிவாவிற்கு வேறு யோசனை தோன்றியது. சுடுவதற்கு பதில் உணவில் விஷம் கொடுத்துவிடலாம் ரத்தம் சிந்தினால் கார்பெட் கெட்டுப் போகும் என்ற தேவையில்லாத எண்ணம் உதித்தபோது ‘பரந்தாமன்’ என்று செல் அடித்தது. 

”யெஸ் பாஸ்..”

”காமினி வந்தாச்சா? ”

”ஆச்சு பாஸ். இதோ இப்ப முடிச்சுடுவேன். ”

”நோ சிவா. ”

”ஏன் பாஸ்? ”

”நம்மாளுங்க சொதப்பிட்டாங்க. டைமண்ட கண்டுபிடிக்க முடியல. அந்த இடத்தை காமினி மட்டுமே கண்டுபிடிக்க முடியும். போலீஸ் இன்னும் காமினிய நம்புது. இன்னேரம் அவங்க காமினியத் தேடத் தொடங்கி இருப்பாங்க. அதுக்குள்ள காமினிய அனுப்பி டைமண்ட கண்டுபிடிச்சிடலாம்.    ”

”சரி சார் நான் காமினியோட ஸ்பாட்டுக்கு வந்துடறேன்.”

--

ஸ்பாட்டில் பரந்தாமன் பரிவாரங்களோடு நின்று கொண்டிருந்தார். காமினியின் அருகே வந்து காமினி டார்லிங் கமான் டார்லிங் ஃபைண்ட் த டைமண்ட் என்றார். யார்ரா டைமண்ட புதச்சது என்ற கேள்விக்கு பரிவாரத்திலிருந்து வந்த ஒருவனிடம் காமினியோட அந்த எடத்துக்கு மாறு வேஷத்துல போ, போலீஸ் இருப்பாங்க உசாரா இரு. மத்தத காமினி கிட்ட விட்டுடு. நாங்க இங்கேயே வெய்ட் பண்றோம். க்விக்.

சரியாக 50 நிமிடங்களில் காமினியும் அந்த பரிவார உருப்படியும் வந்தனர். அவன் கையிலிருந்த வெல்வெட் பையைப் பார்த்ததுமே பரந்தாமன் கண்கள் விரிந்தது. 

பரந்தாமன் ஓடிச்சென்று காமினியை அலேக்காகத் தூக்கினார். 

"காமினி... வெல்டன்.. எப்படியோ போலீஸ் கண்ல மண்ணைத் தூவிட்டு இந்த டைமண்டைக் கொண்டு வந்துட்டியே" என்று பாராட்டினார்.
 பரந்தாமன்.

”காமினியப் போய் கொல்லப் பார்த்தியேடா சிவா. ”

இல்ல பாஸ் இப்பவும் சொல்றேன். காமினி போலீஸ் கைல கிடைச்சா நமக்குத்தான் ஆபத்து. மொத்தத்தையும் மோப்பம் பிடிச்சிடுவாங்க, காமினிக்கு என்ன நல்லது கெட்டது தெரியும்? என்ற சிவாவை பார்த்து 

’வவ்’

என்றது காமினி வாலாட்டியபடியே..


(காமினி கொடுமைகள் - தொடரலா(ரு)ம். )



.

காமினி (சவால்-சிறுகதை)

.

1) டாக்டர் அகன்றதும் காமினி எழுந்து தன் முகத்தில் இருந்த மாஸ்கை அகற்றிவிட்டு, வயர்களையெல்லாம் பிடுங்கி விட்டு அருகிலிருந்த கண்ணாடி ஜன்னலைத் திறந்து வெளியே குதித்தாள்.

2) "ஸாரி.. எனக்கு வேற வழி தெரியலை" என்று காமினியின் நெற்றிப் பொட்டில் துப்பாக்கியை வைத்தான் சிவா.

3) "காமினி... வெல்டன்.. எப்படியோ போலீஸ் கண்ல மண்ணைத் தூவிட்டு இந்த டைமண்டைக் கொண்டு வந்துட்டியே" என்று பாராட்டினார் பரந்தாமன்.

மீண்டும் அந்தக் குறிப்புகளடங்கிய மின் திரையைப் பார்த்தான் பூவராகன்.

"நிச்சயமா இது 'ஸ்வா' அனுப்பிய செய்திதானா? "

"யெஸ் சார். நம்ம சிஸ்டத்துல மட்டுமே இதப் பார்க்க முடியும். எக்ரிப்டேட் டெக்னாலஜி. "

"ஏன் துண்டு துண்டா இருக்கு மெஸ்ஸேஜ்? இதுக்கு முன்னாடியும் இப்படித்தான் வந்திருக்கா?"

"நோ சார். இடையில என்ன நடந்திருக்குன்னு தெரியல. சாட்லைட் மூலமாகவும் தொடர முடியல. சம்திங் ராங்."

"சரி ஆரம்பத்திலேர்ந்து வந்த மெஸ்ஸேஜ் எல்லாத்தையும் தாங்க."

"சாரி சார். இதுதான் ஃபர்ஸ்ட் அட்டெம்ப்ட். பீட்டா ஸ்டேஜ்"

"ஓ முதல் கோணலே முற்றும் கோணலா? ம்ம் லெட்ஸ் ஸ்க்ராட்ச்"

--

"சொல்லுங்க பூவராகன்."

"சார் காமினி ஒரு அண்டர்கவர் ஏஜெண்ட். ஆனா அவங்க ஹூயூமன் கிடையாது."

"வாட்? யூ மீன் அவங்க ரொபோவா?"

"பாதி நோ சார். அவங்க ஒரு ஹூமன் & ஏப் ஃபியூஷன் க்ளோன். சுருக்கமா குரங்கையும் மனிதனையும் சேர்த்து செஞ்ச டிவைஸ். சிந்திக்கும் திறனுக்காக மனிதனும், தற்காப்பு ஆபத்தை எதிர்கொள்ள/தாக்க குரங்கின் திறன்களும் கலக்கப் பட்ட ஒரு பெண். அதுமட்டுமில்லை அவங்க சாட்லைட்டால் இணைக்கப் பட்ட ஒரு நடமாடும் கம்ப்யூட்டர். எந்த ஸ்கேனராலும் கண்டுபிடிக்க முடியாது. ஷீ லுக்ஸ் லைக் எ பர்ஃபெக்ட் வுமன். பட் நிஜத்தில் ஒரு டிவைஸ். "

"அப்ப ஸ்வா?"

"அதுவும் ஒரு ஸ்பை டிவைஸ்தான் சார். அதாவது காமினியோட கண்கள். அவை வீடியோவிற்கு பதிலாக செய்திகளாக ட்ரான்ஸ்மிட் செய்கிறது. கிட்டத்தட்ட எஸ் எம் எஸ் மெஸ்ஸேஜ் மாதிரி. ஆனாலும் அதிலும் இப்பொழுது ஏதோ கோளாறு. துண்டு துண்டாக வருகிறது. இப்பொழுது அதுவும் இல்லை. "

"ஸ்ஸ் இந்த சைண்டிஸ்டுங்க தொல்ல தாங்கலப்பா. சம்பாதிக்க வக்கில்லாதவன் வத வதன்னு புள்ளைங்களப் பெத்துக்கறமாதிரி, மானாவாரியாக் கண்டுபிடிச்சி நம்ம உசிர எடுக்க வேண்டியது. கொசுவ அழிக்க மருந்து இல்ல, இதுல கொரங்க வெச்சி பிசைஞ்சிருக்கானுவ. சரி இப்ப என்னப் பண்ணப் போறீங்க பூவராகன்.."

"ஜோசியம் சார்."

"வாட்.??"

--

"வெல்டன் காமினி"
காமினி டாக்டரைப் பார்த்து சிரித்தாள்.

"அப்ப பூவராகனும்.."

"யெஸ் என்னை மாதிரிதான் போல டாக்டர். அவர் பார்க்கும் எல்லாமே எனக்கும் மெஸ்ஸேஜா வருது. ஸொ ஐ நோ ஆல் தேர் மூவ்ஸ்.."

காமினி கிடத்தப் பட்டிருந்த அந்த கட்டிலின் அருகில் சிவாவிற்கு ஒவ்வொரு மெஸ்ஸேஜாக வந்து கொண்டிருந்தது. கொஞ்சம் குழம்பி இருந்தான். நிறைய டென்ஷனாக இருந்தான். ஒரு முடிவோடு எழுந்தான்.

காமினி சிவாவை அசைவற்றுப் பார்த்துக் கொண்டிருந்தாள்.

--

பீப்.. பீப்.. யெஸ் என்னை மாதிரிதான் போல டாக்டர் அவர் பார்க்கும் எல்லாமே எனக்கும் மெஸ்ஸேஜா வருது. ஸொ ஐ நோ ஆல் தேர் மூவ்ஸ்..

"க்ரேட் ஒர்க் பூவராகன். டிவைஸ் சரியா வேலை செய்யிது. இப்ப ட்ரான்ஸ்மிட் டைம் கொஞ்சம் அட்வான்ஸ் பண்ணவேண்டி இருக்கும். நிச்சயமா இது சக்ஸஸ் ஆகும். லெட்ஸ் வாட்ச் சிவா க்ளோஸ்லி"

"இப்ப நான் என்ன பண்ணனும்?." பூவராகன் கண்களை மூடிக் கொண்டு இருந்தார்.

"சிம்பிள் பூவராகன் இப்ப நீங்கதான் காமினி சோ.. யூ நோ வாட் டு டூ"

டாக்டர் அகன்றதும் காமினி எழுந்து தன் முகத்தில் இருந்த மாஸ்கை அகற்றிவிட்டு, 
வயர்களையெல்லாம் பிடுங்கி விட்டு அருகிலிருந்த கண்ணாடி ஜன்னலைத் திறந்து வெளியே குதித்தாள்.

பூவராகன் குதித்து வேகமாய் ஓடுவதை அடுத்த அறையிலிருந்து அரை டஜன் விஞ்ஞானக் கண்கள் நோட்டமிட்டுக் கொண்டு இருந்தன.
--

"காமினி. இப்படிக் காட்டிக்கொடுத்துவிட்டாளே. எவ்வளவு கஷ்டப் பட்டு உருவாக்கினேன். இப்படி நாட்டுக்கு நல்லது செய்யவா? என்னையே வேவு பார்க்க என்னுடைய கண்டுபிடிப்பேவா? வேறு வழியில்லை. வேறு ஒன்று தயாரித்துக் கொள்ளலாம். அடுத்தமுறை குரங்கை மிக்ஸ் பண்ணக்கூடாது. அநியாயத்துக்கு நல்ல ஜென்மங்களாக இருக்கிறது."

"ஸாரி.. எனக்கு வேற வழி தெரியலை" என்று காமினியின் நெற்றிப் பொட்டில் துப்பாக்கியை வைத்தான் சிவா.

--

"காமினி... வெல்டன்.. எப்படியோ போலீஸ் கண்ல மண்ணைத் தூவிட்டு இந்த டைமண்டைக் கொண்டு வந்துட்டியே" என்று பாராட்டினார் பரந்தாமன்.

"நாடு போற்றும் சைண்டிஸ்ட் சிவாவோட பொண்டாட்டின்னா சும்மாவா சார்.. அப்படியே பொணத்துமேல விழுந்து அவங்க கதறின கதறல டிவி சீரியல் எடுக்கறவங்களே பார்த்து குறிப்பெடுத்துக்கிட்டாங்கன்னா பார்த்துக்குங்க. எண்டோஸ்கோப்பி ஸ்டைல்ல மூக்கு வழியாவே ட்யூப் வெச்சி வைரத்த மறைச்சி எடுத்துகிட்டு வந்துட்டாங்க."

"ஹேண்ட்ஸ் அப். உங்க எல்லாரையும் கைது செய்யறேன். இந்த இடத்தச் சுத்தி போலீஸ் இருக்கு. யாரும் தப்ப முடியாது. "

காமினி என்று புருவத்தைச் சுறுக்கிய பரந்தாமனைப் பார்த்து காமினி தன் முகத்தைக் கழற்றினாள்.

"சாரி நான் பூவராகன்."

--

"ஓ இதுதான் அவங்க ப்ளான் இல்லையா? என்றார் பரந்தாமன். "

"ஆமாம் சார். அவங்களவிட அந்த டிவைஸ அட்வான்ஸா செட் பண்ணும்போது ஆச்சர்யமா அது எதிர்காலத்துல நடக்கறத அப்படியே மெஸ்ஸேஜா சொல்லிடுது. "

"ஆனாலும் நான் அந்த டைமன்ட் எல்லாத்தையும் காமினிய வெச்சே கடத்தறேன் பார். ஆனா முதல்ல அந்த பூவராகவன புடிச்சிக்கிட்டு வாங்கய்யா என்றார் பரந்தாமன்."

--

"க்ரேட் பூவராகன்". எந்தச் சம்பவங்களும் நடக்காமலேயே, அது நடக்கப் போவதை டிவைஸ் மூலமா கணிச்சி குற்றவாளிங்களைப் பிடிச்சிட்டீங்க. இதுல பரந்தாமன் ஒரு டைமண்ட் கடத்தல்காரந்தான். ஆனா சிவாதான் ரொம்ப டேன்ஜர். இவன மாதிரி ஆளுங்களாலதான் நம்ம நாட்டுக்கே ஆபத்து.  

"ரொம்ப புகழறீங்க டாக்டர் சார். முள்ள முள்ளாலதான் எடுக்கனும். அதனாலதான் நானே அந்த டிவைஸ பொறுத்திக்கிட்டேன். அதனால நானும் அதுபோல ஒன்னுன்னு நினைச்சிட்டாங்க. என்கிரிப்ஷன எடுத்ததும் அவங்களுக்கு ஆக்ஸஸ் ஈஸி ஆக்கினதும் டிவைஸ நம்பி அவங்களே ஒப்புதல் வாக்குமூலம் கொடுத்துட்டாங்க. எல்லாமே ரெக்கார்ட் ஆயிடிச்சி. ஸ்ட்ராங் எவிடென்ஸ். தூக்கத்துல மலைமேலேர்ந்து விழறமாதிரி கனவுகண்டு படுக்கையிலேர்ந்து எழுந்திருப்போமே அந்த மன நிலை வெச்சித்தான் கொஞ்சம் குழப்பினேன். வொர்கவுட் ஆயிடிச்சி. எல்லாம் டீம் வொர்க். உங்களுக்கும் இதில் க்ரெடிட் இருக்கு. பை தி வே ஹவ் ஈஸ் காமினி டாக்டர்?

"ஓஹ் இப்பத்தான் அங்கேர்ந்து வர்றேன். நத்திங். ஒரு இம்ப்ரூவ்மெண்டும் இல்லை. ஐ திங் இட்ஸ் ஓவர்."

டாக்டர் சொல்லிவிட்டு அறையிலிருந்து வெளியேறினார்.

--

டாக்டர் அகன்றதும் காமினி எழுந்து தன் முகத்தில் இருந்த மாஸ்கை அகற்றிவிட்டு, வயர்களையெல்லாம் பிடுங்கி விட்டு அருகிலிருந்த கண்ணாடி ஜன்னலைத் திறந்து வெளியே குதித்தாள்.

--

'பீப்'..'பீப்' பூவராகன் மின் திரையைப் பார்த்தார்..

டாக்டர் அகன்றதும் காமினி எழுந்து தன் முகத்தில் இருந்த மாஸ்கை அகற்றிவிட்டு, வயர்களையெல்லாம் பிடுங்கி விட்டு அருகிலிருந்த கண்ணாடி ஜன்னலைத் திறந்து வெளியே குதித்தாள்.

"ஓஹ் நோ காப்ஸ்"

பூவராகன் எழுந்து தன் முகத்தில் இருந்த மாஸ்கை அகற்றிவிட்டு, வயர்களையெல்லாம் பிடுங்கி விட்டு அருகிலிருந்த கண்ணாடி ஜன்னலைத் திறந்து வெளியே குதித்தார்.

--

'பீப்'.'.பீப்' காமினி மின் திரையைப் பார்த்தாள்..

டாக்டர் அகன்றதும் பூவராகன் எழுந்து தன் முகத்தில் இருந்த மாஸ்கை அகற்றிவிட்டு, வயர்களையெல்லாம் பிடுங்கி விட்டு அருகிலிருந்த கண்ணாடி ஜன்னலைத் திறந்து வெளியே குதித்தார்.


சிரிப்போடு, காமினி இலக்கில்லாமல் நடந்து கொண்டிருந்தாள்.



(!!)
--



நன்றிக் காய்ச்சல்..!

. 

மறித்தெழும் காதல்

ஏதும் செய்ய இயலாதவற்றில்
என் குழந்தையின்
பெயரைக் கேட்ட
முன்னாள் காதலியோடான சந்திப்பும்

நன்றி - மணிஜீ


காமம்

ப்ரயாணங்களின் தனிமையில்
தவளையான மனதின் குரல்கள்
அரவம் வாய் தேடி அலைகிற
ஊஞ்சல்..

நன்றி- கேபிள்ஜி



காற்றடைத்த பைகளில் 

இரண்டையும் வெளிக்காட்டவும்
இரண்டாகவும் இருக்கவும்
ஒன்றை மறைத்து ஒன்றை ஓங்கி
உணர்ந்து இருவேறாகவே நிகழ்வினும்
தன்னுள் தான் புணர்ந்து
தன் இருப்பை பெருக்குவது
ஆன்மாவா? காமமா?

- நன்றி தேவா.



கத்தியோடிருங்கள்..

குறிப்புகளெடுக்க முடியாத
தருணங்களில் சட்டெனத் தோன்றும்
கவிதை என்ன யோசித்தும்
நினைவில் வர மறுக்கிறது..
ஆகச்சிறந்த கவிதை
அதுவாகவுமிருந்திருக்கலாம்..

அதன்பின்னே என்னுள்
இருக்கும் கவிஞனை
நானோ, நீங்களோ
கொலை செய்திருக்கவும்
கூடிய வாய்ப்பொன்று
வீணாய்ப் போனது..

நன்றி - சுரேகா


*******


அன்பு நண்பர் சக (பிரபலம் அல்லது பிரபலமில்லாத) பதிவர் ஒரு அற்புதமான மின் நூலை தனது ஒரு இடுகை மூலமாக வெளியிட்டிருந்தார். வியாபார நோக்கமில்லாத எந்த இடத்திலும் யார் வேண்டுமானாலும் பயன் படுத்திக் கொள்ளுங்கள் என் பெயரைக் கூட குறிப்பிடத் தேவையில்லை என்ற ஒரு முன்னுரையோடு!!. 

அனிமேஷன் படங்கள், அதனை தயாரிக்கத் தேவைப்படும் உழைப்பு, புருவம் உயர்த்தி ’வாவ்’ என்று பார்வையாளனை சொல்லவைப்பதின் பின்னால் உள்ள வலிகள்,வியாபாரம் என விரியும் இந்த பிக்ஸார் ஸ்டோரி மின் நூலை இந்த சுட்டியிலிருந்து நீங்கள் டவுன்லோட் செய்து படித்து ஷேர் / ரீ ஷேர் செய்யலாம். நான் பெருமையாய் நினைக்கும்/கற்கும் நட்புகளில் ஹாலிவுட் பாலாவும் ஒருவர்.

ஒரு புத்தக வெளியீடு என்பது எப்படி இருக்கவேண்டும் என்ற சூத்திரங்கள்  தயாரிக்கப்படும்/எள்ளப்படும்/திணிக்கப்படும் வேளையில், நிற்க வைத்து நெற்றியில் ஆணி அடித்த வார்த்தைகள் ..

எங்கிருந்து எடுக்கப்பட்டதோ, அங்கேயே திரும்ப வைக்கப்படுகிறது,
மிகுந்த மன நிறைவுடன்!!


நன்றி பாலா! 
   


.